Cwestiynau Cyffredin

Ble y gallaf ddod o hyd i waith rhan-amser yn Aberystwyth?

I ddod o hyd i waith rhan-amser yn Aberystwyth, rhowch gynnig ar y canlynol:

• Swyddi Gwag Presennol – tudalen recriwtio Prifysgol Aberystwyth, sy’n cynnwys swyddi i fyfyrwyr.
• gyrfaoeddABER – porth y Gwasanaeth Gyrfaoedd, sy’n cynnwys detholiad o swyddi rhan-amser. 
• Dod o hyd i swydd – tudalen Llywodraeth y DU ar gyfer chwilio am swyddi a hysbysebwyd mewn canolfannau gwaith yn y DU.
• Indeed – i weld swyddi rhan-amser yn Aberystwyth.
• Cyfryngau cymdeithasol – bydd llawer o gyflogwyr lleol yn hysbysebu eu swyddi gwag ar eu tudalennau unigol nhw neu ar grwpiau megis Aberystwyth Jobs / Swyddi Aberystwyth.

Cadwch lygad ar ffenestri siopau o amgylch y dref, oherwydd bydd llawer o fusnesau lleol yn recriwtio drwy osod hysbyseb yn eu ffenest. Bydd angen i chi fod â CV yn barod ar gyfer hynny – dewch â chopi drafft i’r Hwb Gyrfaoedd yn Llyfrgell Hugh Owen er mwyn i ni fwrw golwg drosto (o ddydd Llun i ddydd Gwener rhwng 10am a 4pm, yn ystod y tymor). Fel arall, gallwch anfon copi drwy ebost i gyrfaoedd@aber.ac.uk.

Os oes gennych gwestiynau am swyddi rhan-amser ar y campws, anfonwch ebost i hr@aber.ac.uk.

EN:3381